Серхио Рамос фаолиятини Саудия Арабистонида давом эттириши мумкин.

17 июн куни «Севиля» 38 ёшли ҳимоячининг кетишини эълон қилди. 

АS хабарига кўра, «Ан Наср» футболчи билан шартнома имзолаши мумкин — клуб спорт директори Фернандо Йерро ва ҳужумчи Криштиану Роналду уни жамоада кўришни исташмоқда. Рамосга бир неча миллион долларлик шартнома таклиф қилинмоқда. 

Ўтган мавсумда Серхио Ла Лигада 28 та ўйин ўтказиб, 3 та гол уришга муваффақ бўлди. Умуман олганда, испаниялик ҳимоячи барча турнирларда 37 та ўйин ўтказиб, 7 та гол урди.

Эслатиб ўтамиз, Роналду ва Рамос «Реал»да бирга ўйнашган.