Криштиану Роналду Португалия миллий жамоаси мухлисларига мурожаат қилди.

Португалия Евро-2024 1-тури доирасида бугун Чехияга қарши майдонга тушади.

«Португалияликлар, бугун тарихимиздаги янги саҳифа бошланади. Миллий жамоадаги биринчи кунимни синовлар ва ғалабаларга бой бўлган ажойиб хотиралар билан эслайман. Бугун ҳам қатор чемпионлар, иқтидорлар билан бир сафда эканим мен учун шараф.

Жамоамизнинг кучи ва қўллаб-қувватлаш эвазигагина биз орзуни реалликка айлантира оламиз. Келинг, биргаликда яна битта соврин учун курашамиз! Бирлашсак, бизни ҳеч ким тўхтата олмайди. Олға, Португалия», - дея ёзади Роналду ижтимоий тармоқлардаги саҳифаларида.

Маълумот учун, Португалия – Чехия учрашуви бугун, 18 июн куни соат 23:59да бошланади.