Лука Модрич Килиан Мбаппенинг Европа ва жаҳон чемпионатлари ҳақидаги сўзларига изоҳ берди.

Аввалроқ Франция миллий жамоаси форварди қитъа чемпионати мундиалдан қийинроқ эканини айтганди.

«Мен солиштиришни ёқтирмайман, лекин Еврода Европанинг энг яхши жамоалари ўйнайди, жаҳон чемпионатида эса Аргентина, Бразилия, Уругвай, Чили ва бошқа қитъаларнинг ҳам ажойиб жамоалари бор.

Таққослашни ёқтирмайман, лекин мен учун жаҳон чемпионати қийинроқ, чунки унда ҳамма иштирок этади.

Мбаппе нима демоқчи бўлганини тушунаман, чунки Еврода қитъанинг энг яхши жамоалари курашади ва биз бир-биримизни яхши биламиз, лекин мен учун жаҳон чемпионати қийинроқ», — дейди «Реал» клуби ва Хорватия миллий жамоаси яримҳимоячиси.