«Милан» клуби жамоанинг янги бош мураббийи номини расман эълон қилди.

Клуб раҳбариятининг маслаҳатчиси сифатида фаолият юритаётган Златан Ибраҳимович Паулу Фонсека «Милан» устозига айланганини маълум қилди. Кўп ўтмай, клуб расмий сайти ҳам бу хабарни тасдиқлаб, Фонсека билан 3 йиллик шартнома имзоланганини эълон қилди.

Португалиялик мутахассис 2027 йилгача шартнома жамоани бошқаради. Фонсеканинг йиллик маоши 3,5 миллион еврони ташкил қилади.

Маълумот ўрнида, 51 ёшли мураббий 2022 йилдан буён Франциянинг «Лилл» клубини бошқараётган ва жамоаси билан жорий мавсумни 4-ўринда якунлаганди.