«Реал» бош мураббийи Карло Анчелотти жамоа 2025 йилги клублар ўртасидаги жаҳон чемпионатида иштирок этишдан бош тортишини айтди. Турнирнинг янги форматида 7 та клуб ўрнига 32 та жамоа иштирок этади.

«ФИФА клублар ва футболчилар ушбу турнирда қатнашмаслигини унутмоқда. «Реал»нинг битта ўйини 20 млн евро туради, улар эса бу пулни бизга бутун турнир учун беришмоқчи. «Реал» ҳам бошқа клублар каби таклифни рад этади», — дея Анчелоттининг сўзларини келтирмоқда Relevo. 

2025 йилги клублар ўртасидаги жаҳон чемпионати Америка Қўшма Штатларидаги стадионларда бўлиб ўтади. Турнир 15 июнда бошланади ва деярли бир ой 2025 йилнинг 13 июлигача давом этади.