«Нефтчи» мураббийлар штабида ишлаётган собиқ футболчи Лутфулла Тўраев Европа чемпионатида қайси жамоага мухлислик қилишини айтди.

«Испания, Португалия ва Францияни Евро-2024 фаворитлари деб ҳисоблайман.

Ўзим қайси жамоага мухлислик қиламан? Испанияга», — дейди собиқ яримҳимоячи  Tribuna.uz мухбири билан суҳбатда.

Маълумот учун, Лутфулла Тўраев футболчилик фаолиятида «Нефтчи», ОКМК, «Фелда Юнайтед» (Малайзия), «Локомотив», «Бунёдкор»,  «Насаф» ва «Машъал» клубларида ўйнаган. У 2023 йил сўнгида бутсаларини михга илганди.

Эслатиб ўтамиз, Европа чемпионати 14 июндан 14 июлгача Германияда ўтказилади.