Мартин Эдегор «Арсенал»нинг 2023/24 йилги мавсумдаги энг яхши ўйинчиси деб топилди. 

Лондон клуби мухлислари ўртасида ўтказилган сўровномада норвегиялик яримҳимоячи 33 фоиз овоз йиғиб, бу борада тенгсиз бўлди.

«Тўпчилар» сардори кетма-кет иккинчи йил жамоасида мавсумнинг энг яхши ўйинчисига айланди. Бунгача фақат 4 ўйинчи клуб тарихида бундай натижага эришган. Булар – Лиам Брэди, Иан Райт, Тьерри Анри ва Букайо Сака.

Маълумот учун, Эдегор Лондон клуби сафида якунланган мавсум жами 48 ўйинда майдонга тушиб, 11та гол ва 11та ассистга муаллифлик қилди.