«Реал» билан хайрлашган Тони Кроос Евро-2024дан кейин футболчилик фаолиятини якунлагач, нима билан шуғулланишини маълум қилди.

 Германиялик футболчи профессионал фаолиятидан кейин, Мадрид клуби академиясида мураббий сифатида ишлашини билдирди.

«Келажагим? Укам Феликс билан подкастимизни юритмоқчиман. Шу билан бирга «Реал» академиясида ишлайман. Қолаверса, сентябрдан Icon League бошланади. Аммо шуниси аниқки, ҳозиргидек тадбирларнинг фаол иштирокчиси бўлмоқчи эмасман», - дея Крооснинг сўзларини келтирган As нашри.