«Милан»га ўтиши кутилаётган Паулу Фонсека «Лилл»ни тарк этди.

51 ёшли мутахассис француз клубини 2022 йилнинг ёзидан буён бошқараётганди. Якунланган мавсумда жамоа Лига 1да 4-ўринни эгаллади.

Португалиялик мураббий ўрнини «Лилл»да Бруно Женезио эгаллайди. Томонлар икки йиллик шартнома тузишди. 

Франциялик мураббийнинг сўнгги иш жойи «Ренн» бўлиб, у 2023 йили жамоани тарк этганди.

Аввалроқ Фонсека «Милан»ни бошқариши ва йилига 3 млн евро олиши ҳақида хабар берилганди.