Франция олимпия жамоасининг Парижда ўтадиган Олимпиада учун кенгайтирилган таркиби эълон қилинди.

Унга кўра, бош мураббий Тьерри Анри таркибга 25 футболчини чақирган. Килиан Мбаппе ва Антуан Гризманн таркибдан ўрин олмаган. Килианнинг янги клуби бўлиши кутилаётган «Реал» уни таркибга қўйиб юбормаган бўлса, «Атлетико» ҳам Гризманннинг Олимпиадада тўп суришини истамаган.

Франциянинг таркибда 23 ёшдан катта 2 футболчи Жан-Филипп Матета ва Александр Ляказетт бўлиб, 3-ўйинчининг номи кейинроқ эълон қилинади. Якуний таркиб мусобақага яқин маълум қилинади.

Дарвозабонлар: Люка Шевалье («Лилль»), Обед Нкамбадио («Париж»), Гийом Рест («Тулуза»), Робен Риссер («Дижон»);

Ҳимоячилар: Бафоде Диаките, Лени Йоро (иккиси ҳам – «Лилль»), Кастелло Лукеба («РБ Лейпциг»), Килианн Сильдийя («Фрайбург»), Брадле Локо («Брест»), Максим Эстев («Бернли»), Адриен Трюффер («Ренн»);

Яримҳимоячилар: Магн Аклиуш («Монако»), Жорис Шотар («Монпелье»), Дезире Дуэ («Ренн»), Энцо Мийо («Штутгарт»), Кефрен Тюрам («Ницца»), Лесли Угочукву («Челси»), Куадио Коне («Боруссия» Менхенгладбах), Уоррен Заир-Эмери («ПСЖ»).

Ҳужумчилар: Брэдли Барколя («ПСЖ»), Жан-Филипп Матета, Майкл Олисе (иккиси ҳам – «Кристал Пэлас»), Арно Калимуэндо («Ренн»), Александр Ляказетт («Лион»), Матис Тел («Бавария»).

Маълумот учун, Франция турнирга тайёргарликни 16 июндан бошлайди. Париж-2024 баҳслари 24 июлдан 10 августга қадар давом этади.