Қозоғистон футбол федерацияси миллий жамоага янги мураббий тайинланганини эълон қилди.

Қозоғистон миллий жамоасини 2022 йилдан 2024 йилгача бошқарган россиялик Магомед Адиев ўрнини унинг ҳамюрти Станислав Черчесов эгаллади. Томонлар 2+1 кўринишида шартнома имзолаган.

Россия миллий жамоасининг собиқ бош мураббийи бунгача Венгриянинг «Ференцварош» клубини бошқарган ва 2023 йилдан буён ишсиз саналарди. Черчесов ўтган йиллар давомида Россиянинг бир қатор клубларини ҳам бошқарган.