ЦСКА клуби расмий сайти май ойи якунларига кўра, жамоанинг энг яхши ўйинчиси номини маълум қилди.

Унга кўра, Москва жамоасининг ўзбекистонлик яримҳимоячиси Аббосбек Файзуллаев ЦСКАнинг май ойидаги энг яхши футболчиси деб топилди. У мухлислар ўртасидаги сўровномада жами 46 фоиз овозга эга чиққан. Темерлан Мусаев (23 фоиз) ва Фёдор Чалов (10 фоиз) бу борада кейинги ўринларни эгаллаган.

Эслатиб ўтамиз, Аббосбек жорий мавсумда сентябр, октябр ва ноябр ойларида ҳам ЦСКАнинг энг яхши ўйинчиси деб топилганди.