Европа Чемпионлар Лигаси финалида «Реал» ва «Боруссия Д» клублари тўқнаш келишди. 

Биринчи бўлим Дортмунд клубининг катта устунлигида ўтди ва «арилар» иккита яққол вазиятдан фойдалана олишмади. 

Иккинчи бўлимда «Реал» ўзига келди ва имкониятлардан фойдалана олмаган рақибни жазолади. 74-дақиқада бурчак зарбасидан кейин Карвахал ҳисобни очди. Голдан сўнг немис жамоаси ўзига кела олмади ва ҳимоядаги хатодан фойдаланган Винисиус 83-дақиқада иккинчи тўпни ҳам киритди. 

Шу тариқа «Реал» ўз тарихида 15-бор, сўнгги 11 мавсумда 6-марта ЕЧЛ ғолибига айланди. Мадридликлар бош мураббийи Карло Анчелотти эса 5-бор ушбу турнирда зафар қучди ва бу борада ўзи ўрнатган рекордни янгилади.

ЕЧЛ. Финал
Боруссия Д — Реал 0:2
1 июн, «Уэмбли»
Голлар: Карвахал (74), Винисиус (83).
Боруссия Д – Кобел, Рюэрсон, Ҳуммелс, Шлоттербек, Матсен, Забитцер, Жан (Мален, 80), Брандт (Аллер, 81), Санчо (Байну-Гиттенс, 87), Адейеми (Ройс, 72), Фулдкруг.
Реал – Куртуа, Карвахал, Начо, Рюдигер, Менди, Кроос (Модрич, 86), Валверде, Камавинга, Беллингҳэм (Хоселу, 85), Винисиус (Васкес, 90+4), Родриго (Милитао, 90+1).
Огоҳлантиришлар: Винисиус (35), Шлоттербек (40), Забитцер (43), Ҳуммелс (79).