Андрей Лунин Чемпионлар Лигаси финали олдидан ўз ҳолатини айтди. 

Украиналик дарвозабон 1 июн куни бўлиб ўтадиган «Боруссия Д»га қарши Чемпионлар Лигаси финали қайдномасига киритилди, бироқ у грипплиги ва инфекция юқтириши эҳтимоли сабабли жамоадан бир неча кун ўтиб, Лондонга учади. 

«Мавсумдаги энг асосий ва ҳаётимдаги энг муҳим ўйинга жамоа билан тайёрлана олмаслигимдан жуда хафаман.

Барча хабарларингиз, қўллаб-қувватлашингиз ва далдангиз учун катта раҳмат! Биз турнирни 15-бор ютиш учун борамиз», — деб ёзди Лунин «инстаграм»даги саҳифасида.