Чемпионлар лигаси финали доирасидаги «Реал» - «Боруссия» ўйини олдидан ўтказилган матбуот анжуманида мадридликлар бош мураббийи Карло Анчелотти финалда Тибо Куртуа асосий таркибда ўйнашини маълум қилди.

«Лунин грипп юқтириб олганди ва таркибимизга эртага келиб қўшилади. Унинг ҳолати ёмон эмас. Лунин финалда захирада қолади, Тибо Куртуа асосий таркибда тушади», - дейди Анчелотти финал олдидан.

Маълумот учун, белгиялик 32 ёшли дарвозабон жароҳати сабабли узоқ муддатга сафдан чиқиб, жорий мавсум Чемпионлар лигасида ҳали майдонга тушмаган. Ла Лигада эса 4та ўйин ўтказди.

Эслатиб ўтамиз, «Уэмбли» стадионида ўтадиган финал 1 июн, шанба куни соат 23:59да бошланади.