Эдин Терзич «Реал»га қарши бўлиб ўтадиган Чемпионлар Лигаси финали ҳақида гапирди.

«Биз катта нарсага эриша оламиз. Бор эътиборимизни шанба кунги ўйинга қаратганмиз ва унга қўлимиздан келганича тайёргарлик кўрамиз.

Мақсадимиз — Чемпионлар Лигасида ғолиб бўлиш. Бунга эришиш учун чемпионни мағлуб этиш керак. Битта ўйинда ҳамма нарса бўлиши мумкин. Биз шанба куни «Реал»нинг сериясини (ЕЧЛ финалларидаги қаторасига саккизта ғалаба назарда тутилган) бузмоқчимиз.

Биз фақат финалга чиққанимиз билан қониқиб қолмаймиз. Кубокни Дортмундга (1997 йили чемпион бўлган) қайтармоқчимиз!» – деди Терзич.

Чемпионлар Лигаси финали 1 июн куни Лондондаги «Уэмбли» стадионида бўлиб ўтади.