Тимо Вернер яна бир мавсумни «Тоттенҳэм»да ўтказади.

Лондон клуби 28 ёшли ҳужумчининг ижара муддати узайтирилганини маълум қилди. Шартномада футболчини «Лейпциг»дан сотиб олиш ҳуқуқи ҳам кўрсатилган. 

Олдинроқ тўлиқ трансфер «шпорлар»га 15-16 млн еврога тушиши ҳақида хабар берилганди. 

Якунланган мавсумда Вернер АПЛда 13 та ўйин ўтказиб, 2 та гол урди. У Лондон клубига мавсумнинг иккинчи қисмида ижара асосида келиб қўшилганди.