Ўзбекистон Суперкубоги ўйини доирасидаги «Пахтакор» - «Насаф» (1:1, пен – 3:4) баҳсидан кейин пеналтилар серияда қаҳрамонга айланган қаршиликлар дарвозабони Абдувоҳид Неъматов фикрлари билан ўртоқлашди.

«Бугунги пеналтилар сериясига кеча тайёргарлик кўрган эдик. Олимпия миллий жамоасидаги жамоадошларим Диёр (Холматов) ва Муҳаммадқодирнинг (Ҳамралиев) қандай тепишини билардим ва уларнинг зарбасини қайтардим. Серияга тайёргарлик кўрганимиз бесамар кетмади», - дейди Абдувоҳид Неъматов ўйиндан кейин «Спорт» телеканали мухбири билан суҳбатда.