«Ювентус» икки футболчиси билан келишувни узайтирди. 

Ҳимоячи Даниэле Ругани 2026, яримҳимоячи Андреа Камбиязо 2029 йилгача Турин клубида қоладиган бўлди.

29 ёшли Ругани 2013 йилдан бери «Юве»га тегишли. У бу мавсумда А Серияда 16 ўйинда 2 та гол урди. 

24 ёшли Камбиязони туринликлар 2022 йил сотиб олишган, аммо яримҳимоячи аввалги мавсумни «Болоня»да ижарада ўтказганди. Бу мавсумда эса «кекса синьора» сафида дебют қилиб, А Серияда 34 та баҳсда 2 та гол урди.