Америка Кубогида пушти карточкадан фойдаланилади.

Жанубий Америка футбол Конфедерацияси (КОНМEБОЛ) бўлажак турнирда регламентга ўзгартиришлар киритилишини маълум қилди: ҳакамлар пушти карточкага эга бўлади.

Бу карточка ҳар қандай жамоа бошидан жароҳат олган футболчини алмаштирмоқчи бўлганида қўлланади. Бундай ҳолларда жароҳатланган футболчига эга жамоа ҳам, унинг рақиби ҳам қўшимча олтинчи алмаштириш ҳуқуқига эга бўлади. 

Пушти карточка асосий ҳакамда эмас, балки тўртинчи ҳакам ёки ўйин расмийсида бўлади. У ўйинчиларга ёки жамоатчиликка кўрсатилмайди. 

2024 йилги Америка кубоги 21 июндан 15 июлгача бўлиб ўтади.