ЦСКА яримҳимоячиси Аббосбек Файзуллаевнинг фикрича, унинг жамоаси келаси мавсумда Россия чемпионлиги учун кураша олади.

«Нимани орзу қиламан? Миллий жамоамиз билан жаҳон чемпионатига чиқишни ва ЦСКА сафида чемпион бўлишни. Яхши тайёргарлик кўрсак ва кўпроқ ишласак, кейинги мавсумдаёқ Россия чемпиони бўлиш учун имкониятимиз бўлади», - дейди ўзбекистонлик 20 ёшли футболчи Sport24 мухбири билан суҳбатда.

Эслатиб ўтамиз, РПЛ 29-туридан кейин ЦСКА 45 очко билан 6-ўринни эгаллаб турибди. Файзуллаев 31 ўйинда 5та гол ва 13та ассист қайд этди.