«Челси»дан истеъфога чиқарилган Маурисио Почеттинога «Манчестер Юнайтед» ва «Бавария» жамоалари қизиқиш билдирмоқда, дея хабар бермоқда The Standard.

Қайд этилишича, манкунианликлар аргентиналик мураббийни эҳтимолий истеъфога чиқарилиши мумкин бўлган Тен Ҳагнинг ўрнига номзод сифатида кўрмоқда.

Бир қатор мураббийлардан рад жавобини олган «Бавария» учун Почеттино номзоди ҳам пайдо бўлди. Мюнхенликлар Тухел ўрнига 52 ёшли мутахассисни жалб қилиш ҳақида ўйламоқда.

Эслатиб ўтамиз, «Челси» 21 май куни Маурисио Почеттино истеъфога чиқарилганини эълон қилганди.