«Манчестер Сити» мамлакат кубоги финалида мағлуб бўлган тақдирда ҳам, якшанба куни чемпионликни нишонлайди.

Пеп Гвардиола жамоаси кетма-кет 4-бор АПЛ чемпионлигини қўлга киритди. Ҳозиргача ҳеч бир клуб бундан серия қайд этолмаганди. 

Шу билан бирга, «шаҳарликлар» бу мавсумда яна бир совринга даъвогарлик қилмоқда. Улар шанба куни Англия Кубоги финалида «Уэмбли»да «Манчестер Юнайтед» билан тўқнаш келишади.

Таъкидланишича, кубокда ютқазса ҳам, «Сити» якшанба куни Манчестерда чемпионлик парадини ўтказади. Жамоа усти очиқ автобусда шаҳар бўйлаб саёҳат қилади.