Стивен Жеррард «Ливерпул»ни Юрген Клопп ҳайкалини ўрнатишга чақирди.

«Юргеннинг биринчи матбуот анжуманидан кейиноқ таассуротлар пайдо бўлганди. Кейинроқ Жейми Каррагер ва мени «Ливерпул»нинг Австралияда ўртоқлик учрашувига таклиф қилишди. Биз унинг олдимизда туриши ва тактик кўрсатмалар бериши қандай эканлигини кўрдик.

Мен у ерда ўтириб, «Бу мураббий қўл остида бир йил ўйнаш учун ҳар қанча пул бераман ва ҳамма нарса қиламан» деб ўйлаганимни эслайман. Бу ўртоқлик баҳси эди, лекин мен худди кубок финалида ўтиргандек эдим. 

Умид қиламанки, унга ҳайкал қўйишади. Юрген бунга лойиқ.

Агар «Ливерпул»да катта муваффақиятларга эришган барча мураббийлар ҳақида гапирсак, у энг яхшилар қаторида бўлади», — деди мерсисайдликларнинг собиқ сардори Sky Sports билан суҳбатда.