«Реал» Чемпионлар Лигаси финалида қайси дарвозабон ўйнашини ҳал қилди.

Журналист Хосе Луис Санчес El Chiringuito телеканалида хабар беришича, мадридликлар бош мураббийи Карло Анчелотти 19 май куни «Вилярреал»га қарши ўйинда Андрей Лунинни, 25 майда «Бетис» билан ва 1 июн куни Дортмунднинг «Боруссия»сига қарши ЕЧЛ финалида Тибо Куртуани майдонга туширишни режалаштирган.

Белгиялик посбон жароҳат сабаб бу мавсумда атиги 3 та ўйинда майдонга тушди, жумладан, «Реал»нинг Ла Лигадаги сўнгги икки баҳсида. Чемпионлар Лигасида плей-оффида фақат Лунин ўйнаётганди.