«Интер» собиқ футболчиси Деян Станкович янги мавсумдан Россия Премьер-лигасида фаолият юритади.

Сербиялик мураббий 2024/25 йилги мавсумдан «Спартак» жамоаси бош мураббийига айланади. Москва клуби Станкович билан 2 йиллик шартнома имзоланганини эълон қилди.

Станкович 2019 йилдан бошлаб «Црвена Звезда» бош мураббийи сифатида жамоасини кетма-кет уч йил Сербия чемпионига айлантирди. Ўтган мавсумда эса Станкович «Сампдория»ни бошқариб, клубдаги молиявий муаммолардан сўнг жамоа билан хайрлашганди. Жорий мавсумда эса «Ференцварош» клубини бошқарган сербиялик мутахассис Будапешт клубини Венгрия чемпионига айлантирди.