«Манчестер Юнайтед» ҳимоячиси Рафаэл Варан жорий мавсум якунида клуб билан хайрлашади.

Клуб расмий сайти хабарига кўра, томонлар келишувни узайтирмасликка қарор қилган. Франциялик 31 ёшли марказий ҳимоячи билан тузилган 4 йиллик шартнома 30 июн куни якунига етади.

«Варан жамоада катта тажрибаси ва юқори даражасини кўрсатди ҳамда 93та ўйинда иштирок этди. У 4 апрел куни «Челси» билан ўйинда жароҳат олган бўлса-да, мавсум якунига қадар яна сафга қайтишга умид қилмоқда. Клуб Варанга келажакдаги ишларига омад тилаб қолади», - дейилади хабарда.

Эслатиб ўтамиз, Варан 2021 йил «Реал»дан «МЮ»га 48 миллион евро эвазига трансфер қилинганди.