Оливье Жиру ёзда Европадаги фаолиятини якунлаб, океан ортига кўчиб ўтади.

«Милан»даги фаолиятимдан, бу ерда эришган натижаларим билан фахрланаман. Бу ердаги сўнгги ўйинларимни ўтказяпман, кейин эса МЛСга йўл оламан», - дейди Жиру.

L’Equipe хабарига кўра, 37 ёшли ҳужумчи «Лос-Анжелес» клуби билан 1,5 йиллик шартнома имзолаган. Унга кўра, Жиру 2025 йилнинг декабр ойига қадар келишувга эришган ва томонлан шартномани яна бир йилга узайтириш имкониятига эга бўлади. Французнинг АҚШдаги йиллик маоши 3 миллион еврони ташкил этади.

Маълумот учун, Жирунинг Франция миллий жамоасидаги собиқ жамоадоши Уго Льорис ҳозирда ушбу клуб дарвозасини қўриқламоқда.