Килиан Мбаппе «Реал»нинг янги мавсумдаги дастлабки трансферига айланиши кутилмоқда.

«ПСЖ» форварди мавсум якунида Париж клубини тарк этишини эълон қилди, аммо янги жамоаси ҳақида маълум қилмаган бўлса-да, унинг Мадрид клубига йўл олиши аниқ бўлган масала.

Инсайдер Жанлука Ди Марцио хабарига кўра, «Реал» клуби Чемпионлар лигаси финалидан кейин Мбаппе трансферини эълон қилишни режалаштирган.

Маълумот учун, «Реал» - «Боруссия» ўртасидаги финал 1 июн куни Лондонда бўлиб ўтади.

Аввалроқ, Килиан «Реал» билан феврал ойидаёқ шартнома имзолагани, томонлар бу ҳақда расман эълон қилмаётгани ҳақида хабарлар янграганди.