Венгриянинг Сегед шаҳрида Парижда ўтадиган Паралимпия ўйинларига йўлланма берувчи параканое бўйича Жаҳон чемпионати бўлиб ўтмоқда.

Қувонарлиси, дунё биринчилигида иштирок этаётган Шаҳзода Мамадалиева VL3 классида 00:58.22 сония натижа билан бронза медалига эга чиқиб, Париж-2024 Паралимпия ўйинларига йўлланма қўлга киритди. 

Яна бир ҳамюртимиз Иродахон Рустамова эса VL2 классида 01:04.60 натижа билан 5-ўринни эгаллади ва Паралимпиадага тўғридан-тўғри йўлланмани қўлга киритди.

Эслатиб ўтамиз, Шаҳзода ва Иродахон Ҳангжоу-2022 Параосиё ўйинлари ғолиби саналишади.