«Ман Юнайтед» яримҳимоячиси Мэйсон Маунт жорий мавсумда учинчи марта жароҳат олди.

Эрик тен Ҳаг «Арсенал»га қарши ўйин олди матбуот анжуманида Маунт жароҳат олганини тасдиқлади. У Лондон клубига қарши кечадиган ўйинда майдонга туша олмайди.

Қайд этиш жоиз, Маунт 2024 йилнинг ёзида эркин агентга айланиши мумкин эди, аммо «МЮ» англиялик ўйинчини 55+5 миллион еврога сотиб олганди. Мэйсон жорий мавсум жами 19 ўйинда 753 дақиқа тўп суриб, битта голга муаллифлик қилди.

Маълумот учун, АПЛ 37-тури доирасидаги «МЮ» - «Арсенал» баҳси 12 май куни бўлиб ўтади.