Юрген Клопп «Ливерпул»нинг АПЛ чемпионлиги учун имконияти қолмаганини такрорлади.

«Чемпионлик пойгаси? Энди бу бизнинг рўйхатимиздаги асосий мақсад эмас. Биз жадвалдаги вазиятни тушуниб турибмиз.

«Манчестер Сити» кетма-кет учта ўйинида ҳам ютқазиши керак. Буни тасаввур қилиш қийин. «Арсенал» эса иккита ўйинида мағлубиятга учраши лозим. Бу ҳам қийин масала. Аммо футболда ҳамма нарса бўлиши мумкин. Бизда яна 80 очко тўплаш имконияти бор», - дейди Клопп.

Маълумот учун, мерсисайдликлар 36 ўйиндан кейин 78 очко билан 3-ўринда боришмоқда. «Арсенал» ва «Сити» билан фарқ 5 ва 4 очкони ташкил этмоқда. «Шаҳарликлар»да битта захира ўйини мавжуд.