«Боруссия Д» бош мураббийи Эдин Терзич ЕЧЛ финалига чиққанидан сўнг ўз фикрлари билан ўртоқлашди. 

«Агар битта сўзни танлашим керак бўлса, бу — ғурур. Бу — биз учун фахрли лаҳзалар. Мен штаб, жамоа, клуб билан фахрланаман. Бизнинг орзуйимиз ҳали тугамади!

Биламан, биз финалда фаворит бўлмаймиз. Ким билан учрашсак ҳам, жуда қийин бўлади. Лекин бу — фақат битта ўйин ва унда ҳамма нарса бўлиши мумкин. Буни аллақачон исботлаб бўлганмиз», — деди дортмундликлар устози TNT Sports эфирида. 

«Арилар» 1 июн куни «Уэмбли»да ўтадиган финалда «Реал» ёки «Бавария» билан тўқнаш келишади.