Лаутаро Мартинес ҳамюрти Лионел Месси ҳақида гапирди.

«Мен унинг дўстиман. Гап ўз номини футбол тарихига ёзган футболчи ҳақида кетмоқда. Ҳатто машғулотларда ҳам у бутунлай бошқа спорт билан шуғулланаётгандек туюлади.

Лео сиз ҳеч қачон кўрмаган нарсаларни ўйлаб топади. У ҳақиқий йиртқич ва рақобатда ҳеч қачон енгилишни истамайди», — дейди «Интер» ва Аргентина ҳужумчиси. 

Маълумот учун, Месси ва Мартинес Аргентина миллий жамоасида Америка кубоги (2021), Финалиссима ва Жаҳон чемпионатида (2022) ғолиб чиққан.