Ўзбекистон миллий жамоаси яримҳимоячиси Аббос Файзуллаев Парижда ўтадиган Олимпидада иштирок этиши мумкинлиги ҳақида гапирди. 

— Олимпиадага чиққанимиз мамлакатимиз учун тарихий муҳим ютуқ бўлди. Жамоанинг бир қисми эканлигимдан фахрланаман. 

— Финалда майдонга туша олмадингиз? 

— Ўйнашни хоҳлардим, лекин клуб ва федерация ўртасидаги келишувни ҳурмат қиламан.

— Олимпиадага борасизми? 

— Буни ҳали муҳокама қилмадик. Ҳозир бор эътиборимни ЦСКАга қаратганман. Кубокни ютмоқчимиз. «Зенит»ни мағлуб эта оламиз, деб ўйлайман», — дейди москваликлар футболчиси. 

Эслатиб ўтамиз, Ўзбекистон U-23 жамоаси Қатарда ўтган Осиё Кубогида 2-ўринни эгаллаб, тарихда илк бор Олимпиадага йўлланмани қўлга киритди. Аббос Файзуллаев келишувга мувофиқ яримфиналдан сўнг Москва клуби ихтиёрига қайтганди.