Дензел Думфрис фаолиятини  «Манчестер Юнайтед»да давом эттиришни истамоқда.

Football Italia La Gazzetta dello Sport нашрига таяниб хабар беришича, «Интер» ҳимоячисига АПЛнинг бир қанча клублари қизиқиш билдирмоқда. Футболчининг ўзи «МЮ» билан шартнома имзолашга умид қилмоқда. 

Агар Дензелнинг ҳамюрти — Тен Ҳаг жамоада қоладиган бўлса, бу трансфернинг эҳтимоли ошади.

Маълумот учун, 28 ёшли нидерландиялик бу мавсум А Серияда 29 ўйинда ўз ҳисобига 3 та гол ва 4 та ассист ёздириб қўйди.