МЛС мунтазам чемпионати доирасида «Интер Майами» навбатдаги ғалабага эришиб, пешқадамликни давом эттирмоқда.

Майамиликлар «Ню-Йорк Ред Буллс»га қарши учрашувда йирик ғалабага эришишди. Месси гол ва 5та ассистга муаллифлик қилган бўлса, Суарес ҳет-трикка эришди – 6:2.

Шу тариқа, «Интер Майами» 12 ўйиндан кейин 24 очко билан Шарқ минтақасида пешқадамлик қилмоқда. Ню-Йорк клуби эса 17 очко билан 4-поғонадан жой олган. Месси ва Суарес 10тадан гол муаллифига айланиб, тўпурарлар рўйхатида қўшҳокимлик ўрнатган.

МЛС

Интер Майами – Ню-Йорк Ред Буллс 6:2

Голлар: 0:1 – 30 Ванзейр, 1:1 – 48 Рохас, 2:1 – 50 Месси, 3:1 – 62 Рохас, 4:1 – 68 Суарес, 5:1 – 75 Суарес, 6:1 – 81 Суарес, 6:2 – 90+7, пенальти Форсберг.

Интер Майами – Кэллендер, Вейгандт, Фрейре, Авилес, Негри (Аллен, 84), Бускетс, Грессель (Брайт, 66), Руис (Рохас, 46), Тэйлор (Кремаски, 66), Месси, Суарес (Кампана, 84).

Нью-Йорк Ред Буллс – Карлос, Данкан, Рейес, Нилис, Толкин, Кармона (Gjengaar, 82), Форсберг, Амайя (Элиас Маноэл, 70), Edelman, Морган, Ванзейр (Donkor, 82).