«Рома» бош мураббийи Даниэле де Росси Европа Лигаси яримфиналидан ўрин олган «Байер» (0:2) билан ўйиндан сўнг ўз фикрларини билдирди. 

«Леверкузен клуби қанчалик кучли эканлигини ўз мисолимизда кўрдик. Биринчи бўлимда керакли услубда ўйнадик — уларнинг қарши ҳужумларини тозалашимиз керак эди. Баъзан кичик деталлар фарқни белгилайди. Ўзимиз гол ура олмадик. Улар ҳисобда олдинга чиқиб олишганида эса бундай жамоага қарши ўйнаш қийин.

Жавоб ўйинида муваффақиятга эришишимиз кераклигини тушуниб турибмиз. Бу мавсумда ҳеч қачон мағлуб бўлмаган жамоанинг стадионида 2:0 ҳисобида ғалаба қозониш керак. Биринчи бўлимдагидек ўйин кўрсатиб, кўпроқ ҳужумга ўтишимиз керак бўлади. Ҳамма нарса ўзгариши мумкин.

Биз, албатта, бугунгидек сўнгги дақиқаларгача ўйнаймиз. Қўшиб брилган вақтда гол уриб, ҳисобни 1:2 га етказишимиз мумкин эди», — дея римликлар устозининг сўзларини келтиради УЕФА расмий сайти.