Чемпионлар лигаси доирасидаги «Боруссия» - «ПСЖ» (1:0) ўйинида меҳмонлар ҳимоячиси Лукас Эрнандес жароҳат олиб, майдонни тарк этди.

Инсайдер Фабрицио Романога кўра, тиббий текширувдан кейин Лукаснинг тизза хочсимон пайлари узилгани маълум бўлди.

Шу тариқа, у энг камида 6 ойга сафдан чиқди. Футболчи тез орада жарроҳлик амалиётини ўтказади. Ҳимоячи учун мавсум якунланди ва у энди Евро-2024да Франция миллий жамоасига ҳам ёрдам бера олмайди.