Осиё кубоги U23 яримфинали доирасидаги Ўзбекистон – Индонезия (2:0) учрашувидан кейин индонезияликлар мағлубиятда учрашув ҳакамларини айблаб, ижтимоий тармоқларда уларни «нишон»га олишда давом этмоқда.
Қатардаги баҳсда Ўзбекистон олимпия жамоаси Ҳусайн Норчаев ва рақиб ҳимоячиси Арҳаннинг автоголи эвазига ғалаба қозониб, финал билан бирга илк марта Олимпиадага ҳам йўлланма олди. Турнир дебютанти ва кашфиёти сифатида эътироф этилаётган Индонезия яримфиналда мағлубиятга учрагач, қарийб 280 миллион аҳолига эга мамлакат жамоасининг мухлислари ижтимоий тармоқларда учрашув реферилари – хитойлик бош ҳакам Шен Йин Ҳао ва VAR ҳаками таиландлик Сивакорн Па-Удомга «ҳужум»га ўтишди.
Январда Индонезия миллий жамоаси ўз тарихида Осиё кубогида илк марта иштирок этиш билан бирга биринчи марта гуруҳ босқичидан плей-оффга йўлланма олиши мамлакатда шов-шувга айланган бўлса, Индонезия олимпия жамоасининг Осиё кубоги U23 баҳсларида илк марта яримфиналга қадар чиқиши мамлакатда футбол байрамига сабаб бўлди. Индонезиянинг 1-турда мезбон Қатарга мағлубиятидан (0:1) кейин мухлислар ҳакамликдан норози бўлишганди. Париж-2024 йўлланмаси тикилган Ўзбекистонга қарши баҳс эса деярли бутун мамлакатни экран олдида тўплаган, Доҳадаги стадионнинг 90 фоизи эса индонезиялик мухлислар билан тўлганди. Учрашувни Индонезия президенти Жоко Видодо ҳам катта қизиқиш билан кузатиб борган.
X’ («твиттер») тармоғида 43 мингдан ортиқ обуначиси бор United About саҳифасида Ўзбекистон турнирнинг фаворити экани тан олинган, аммо хитойлик ва таиландлик ҳакамнинг иши шубҳа остига олинган.
Rangkuman kejanggalan wasit dan VAR di pertandingan Semi Final AFC Asian Cup U23 antara Indonesia vs Uzbekistan:
— United About (@utdabout) April 30, 2024
1. Nama wasit utama dan ketua VAR di pertandingan kemarin adalah:
- Shen Yinhao (Referee, China 🇨🇳)
- Sivakorn Pu-Udom (VAR Referee, Thailand 🇹🇭)
2. Cek VAR, tetapi… pic.twitter.com/u7GmWHNxBw
Айниқса, Ҳусановнинг рақибдан тўпни олиб қўйган вазиятидаги қўполликда ҳакамнинг дастлаб жарима зарбаси белгилагани, сўнг пеналтини текшириш учун чақирилганида ҳаттоки жарима зарбасини бекор қилиши ФИФА қоидаларига зид экани айтилади.
Apakah keputusan wasit memutuskan untuk tidak memberi penalti untuk Indonesia U-23 sudah tepat? 🇮🇩🤔 pic.twitter.com/4cdr1wgqg8
— FaktaBola (@FaktaSepakbola) April 29, 2024
«VAR пеналтига аралашиши мумкин, аммо жарима зарбасини бекор қилиши – ФИФАнинг мавжуд қоидаларига зид», - дейилади хабарда.
«Индонезия сардори Ризқи Ридҳо VAR текширувидан кейин қизил карточкага лойиқ кўрилди, аммо у рақиб футболчисини қасддан тепгани йўқ, тўпни узоқлаштирганидан кейинги зарба эди бу. Ридҳо оёғини олишга интилди.
Ini lagi, Itu Ridho buang bola lalu pemain UZBEKISTAN YANG NYAMPERIN KAKI NYA Ridho, alah kocak ni wasit #pialaasiau23 #TimnasDay #TimnasIndonesia #timnasindonesiavsuzbekistan #trendingvideo #viral pic.twitter.com/clynUyZcUk
— Muhammad Rizki Riswandi (@rizkiriswandi20) April 29, 2024
Феррарининг голидан сўнг Индонезия ҳисобни очгач, VAR Санантанинг офсайдда эканини кўрсатди, аммо ўйиндан ташқари ҳолатидаги чизиқни чиқмади. Бу эса ҳакамлар қарорини шубҳа остига қўяди. Ўйин давомида ҳам ҳакам рақиб фойдасига жуда кўп марта адашди.
Controversial Referee Calls INDONESIA VS UZBEKISTAN
— T A L H A 🇵🇸 (@talhaa_Says_) April 30, 2024
Checking VAR, penalty was not considered a foul at all
Checking VAR, Indonesia's goal was deemed offside#TimnasDay #AFCU23AsianCup #TimnasDay pic.twitter.com/duaDX8nyjR
Хитойлик Шен Йин Ҳао ва VAR ҳаками таиландлик Сивакорн Па-Удом биз индонезияликлар учун «бегона» эмас. Хитойлик рефери 2023 йил Индонезия - Камбожа ўйинида ҳам рақиб жамоа фойдасига қўпол хатоларга йўл қўйганди.
Таиландлик VAR ҳаками эса Осиё кубоги U23 1-туридаги Қатар – Индонезия (1:0) ўйинида ҳам VARда ўтириб, бизга қарши қарорлар қабул қилинишига сабабчи бўлган эди. Бу сафар эса ўзбеклар эмас, ҳакамларга қарши ўйнадик», - дейилади индонезиялик мухлисларнинг ҳакамлардан норозилиги акс эттирилган мақолада.
Шунингдек, олимпия жамоамиз дарвозабони Абдувоҳид Неъматовнинг дарвоза чизиғи олдидаги йиқилишини индонезияликлар симуляция сифатида баҳолаб, унинг ҳаракатини турли қоралаган ва бу турли мемларга сабаб бўлган.
Abduvakhid Nematov & Shen Yinhao is the best comedy actor of the year in ASIAN FOOTBALL COMEDY #AFCU23 pic.twitter.com/AInsn3L7Lq
— Cabernetmerlot 🛩 (@albertdindra) April 30, 2024
«Твиттер» ижтимоий тармоғида обуначилари сони 1 миллиондан ошиб кетган «Extra Time Indonesia» саҳифаси эса ўйиндан кейин индонезиялик мухлисларнинг ғазабланган ҳолда тасвирдаги ҳакамдан «ўч олишга» уринганини кўриш мумкин.
Jangan marah pak 😭😭😭🙏🙏 pic.twitter.com/p1MJ96yXBg
— Extra Time Indonesia (@idextratime) April 29, 2024
Шунга ўхшаш бир қанча видеолар ижтимоий тармоқларда «вирус»дек тарқалмоқда.
Sikat aja itu coach 👊🔥 pic.twitter.com/bh9vMYTqaB
— Extra Time Indonesia (@idextratime) April 29, 2024
Маълумот учун, Индонезияда ҳали ҳам Олимпиада йўлланмасини қўлга киритиш имконияти мавжуд. Улар эртага, 2 май куни Ироққа қарши 3-ўрин учун баҳсда майдонга тушишади. Бронза медали соҳиби Париж-2024га тўғридан-тўғри йўлланмаган эга чиқади. Мағлуб жамоа эса Африканинг Гвинея жамоасига қарши плей-оффда майдонга тушиб, Олимпиадага бориши мумкин.