Жозе Моуринио Португалия, Англия ва Францияни Евро-2024 фаворитлари деб атади.

«Менимча, турнирнинг энг кучли уч жамоаси – Португалия, Франция, Англия ва улардан бири бош совринга эга чиқади. Ҳа, сюрпризлар бўлиши мумкин, аммо таркибдаги ўйинчиларнинг сифати бўйича Португалия турнирга ғалаба учун бориши керак. Мусобақа мамлакатим жамоаси ғалабаси билан якунланишини истардим», - дейди «Челси», «Реал» ва «Манчестер Юнайтед» клубларида фаолият юритган португалиялик мутахассис.

Маълумот учун, Евро-2024 баҳслари 14 июндан 14 июлга қадар Германияда бўлиб ўтади.