«Атлетико» Ферран Торресга қизиқиш билдирмоқда.

Diario Sport хабарига кўра, мадридликлар ниҳоят Жоау Феликс билан хайрлашиш ниятида ва португалиялик футболчини «Барселона»да қолдиришга тайёр.

Пойтахт жамоасига Торреснинг ўйинлари жуда ёқади, бироқ 24 ёшли испаннинг ўзи «кўк-анорранглилар» сафини тарк этишни истамаса керак. 

Relevo'нинг ёзишича, агент Жорже Мендеш «Атлетико»га Феликсни Ансу Фатига алмашишни таклиф қилган, аммо мадридликлар бу вариантга рози бўлмаган. «Барса»га тегишли вингер бу мавсумда «Брайтон»да ижарада ҳаракат қилмоқда. 

Аввалроқ «Барселона» Феликсни сотиб олмоқчи эмаслиги маълум қилинганди.