«Барселона» Ламин Ямални сотишни режалаштирмаяпти. 

Mundo Deportivo'нинг ёзишича, «ПСЖ» 16 ёшли вингер учун 200 миллион евродан кўпроқ таклиф қилишга тайёр. 

Бироқ Ямалнинг агенти Жорже Мендеш Парижда «ПСЖ» раҳбарияти билан учрашиб, футболчининг «Барса»дан кетиш нияти йўқлигини айтган.

Маълумот учун, испаниялик футболчининг Каталония клуби билан амалдаги шартномаси 2026 йилнинг ёзигача мўлжалланган. Футболчининг Transfermarkt порталидаги нархи 75 миллион еврога тенг.