Антонио Конте янги мавсум олдидан «Наполи» бош мураббийига айланиши кутилмоқда.

Rai Sport хабарига кўра, италиялик 54 ёшли мураббий «Наполи» билан уч йиллик шартнома имзолашга тайёрлигини маълум қилган. У неаполликларни чемпионлик чўққисига қайтара олишига ишонмоқда. 

Неаполликлар раҳбарияти Конте билан йиллик 6,5 миллион евро маош масаласида оғзаки келишувга эришган.

Қайд этилишича, «Наполи» президенти Аурелио Де Лаурентис тез орада янги мураббий масаласида аниқ қарорга келади. У олдинроқ Винченцо Итальяно («Фиорентина») билан музокарани тўхтатганди.