Диогу Жота янги жароҳат олди.

«Ливерпул» бош мураббийи Юрген Клоппнинг айтишича, португалиялик вингер «Фулҳэм»га (3:1) қарши ўйинда сонидан жароҳат олган. Ўша баҳсда Жота гол урганди.

Футболчи тахминан 2 ҳафтани ўтказиб юбориши кутилмоқда.

Жота феврал ойида тиззасидан жароҳат олиб, яқиндагина сафга қайтганди. Соғайганидан бери у 4 та ўйин ўтказди, фақат биттасини асосий таркибда бошлади. 

Премер-лиганинг ушбу мавсумида Диогу 21 та ўйинда майдонга тушиб, 10 та гол урди ва 3 та голга ассистентлик қилди.