Арсен Венгер Хавининг «Барселона»даги фаолиятини юқори баҳолади.

«Менимча, Хави «Барселона»да жуда яхши ишлади. Назаримда, у кетишини жуда эрта эълон қилиб юборди.

«Барса»га «ПСЖ» ва «Реал» билан ўйинларда омад кулиб боқмади, бироқ улар жамоа бўлиб ўсаётганликларини кўрсатишди», — деди «Арсенал»нинг собиқ бош мураббийи L'Equipe нашрига берган интервьюсида.

Чемпионлар Лигаси 1/4 финалининг жавоб баҳсида Каталония клуби 1-бўлим ўрталаридан бошлаб озчиликда ўйнади ва «ПСЖ»га имкониятни бой бериб қўйди (1:4). Ла Лигадаги класикода (2:3) эса «Барса» қўшиб берилган дақиқаларда тўп ўтказиб, ютқазди.