Таиландда футзал бўйича Осиё кубоги-2024 чоракфинали доирасидаги сўнгги ўйинда Ўзбекистон миллий жамоаси Ветнамни мағлуб этиб, яримфиналга йўлланма олди.

Хосе Венансио Лопес шогирдлари Ветнамга қарши ўйинда 34-дақиқагача ҳисобда ортда қолган бўлса-да, сўнгги 6 дақиқада Ўзбекистон Элбек Тўлқинов ва Суннатилла Жўраевнинг голлари эвазига камбэк кўрсатди – 2:1.

Шу тариқа, Ўзбекистон кетма-кет 4-марта Осиё кубогида яримфиналга йўлланма олди ва финал йўлланмаси учун курашда 26 апрел куни Эронга қарши майдонга тушади.

Қайд этиш жоиз, вакилларимиз ЖЧ-2024 мезбони экани сабабли Ўзбекистоннинг яримфиналга йўл олиши ортидан чоракфинал баҳсларида мағлуб бўлган Қирғизистон, Афғонистон, Ироқ ва Ветнам Осиё қитъаси учун ЖЧ-2024га ажратилган 5-йўлланмани қўлга киритиш учун плей-офф ўйинларида иштирок этиш ҳуқуқини қўлга киритди.

Аввалроқ, Тожикистон, Эрон, Таиланд яримфиналга йўлланма олиб, ЖЧ-2024да иштирок этиш ҳуқуқини қўлга киритганди. Турнир 14 сентябрдан 6 октябрга қадар Ўзбекистонда бўлиб ўтади.

Футзал бўйича Осиё кубоги-2024. 1/4 финал

Ўзбекистон – Ветнам – 2:1

Голлар: Элбек Тўлқинов 34, Суннатулла Жўраев 39 – Нгуен Тин 17.

Ўзбекистон: 12. Аббос Элмуродов, 4. Ихтиёр Ропиев, 6. Илҳомжон Ҳамроев, 9. Элбек Тўлқинов, 14. Самариддин Беркинов.

Захира: 1. Суннатжон Анваров, 2. Фазлиддин Ботиров, 3. Машраб Одилов, 5. Суннатулла Жўраев, 7. Дилшод Раҳматов, 10. Акбар Усмонов, 11. Аброр Ахметзянов, 13. Меҳрож Худойбердиев

Ветнам: 1. Хо Ван, 4. Чау Доан Пат, 7. Нгуен Ан Дуй, 10. Нгуен Тин Пат, 12. Ту Мин Куанг.

Яримфинал сеткаси билан танишинг: