«Бавария» яқин вақт ичида Ралф Рангник билан келишувга эришиши мумкин.

Bild хабарига кўра, ўтган дам олиш кунлари «Бавария» вакиллари Австрия миллий жамоасини бошқараётган 65 ёшли мутахассис билан учрашган. Томонлар эҳтимолий ҳамкорлик тафсилотларини муҳокама қилишган. 

Шундан бери Рангник Мюнхен клубига ўтиш ҳақида фаол ўйламоқда. Агар ҳаммаси режа бўйича кетса, келишув шу ҳафтадаёқ якунланиши мумкин. Ралф «Бавария» бош мураббийи лавозимини эгаллаш учун фаворит бўлиб турибди.