«Арсенал» бош мураббийи Микел Артета АПЛ 29-туридан ўрин олган «Челси»га (5:0) қарши баҳсдан сўнг ўз фикрлари билан ўртоқлашди. 

«Ғалабадан, имкониятлар сонидан ва урилган голлардан жуда мамнунман. Тўп ўтказиб юбормаганимиз ҳам барқарорлигимизни кўрсатади.

Биринчи бўлимда баъзи жиҳатларда етарлича интизом кўрсатмадик ва буни иккинчи бўлимда яхшилашимиз керак эди.

Эдегор? Биз ҳаммамиз унинг биз билан бирга ривожлана оладиган улкан иқтидорли футболчи эканлигини билганмиз. Унинг жамоага ўзгача нарса олиб келишига амин эдик.

Мартин сардорлик юкини табиий равишда енгди, ҳамма уни яхши кўради. Ва бу севги ҳамма унга эргашишни исташига етарли», — дея «тўпчилар» устозининг сўзларини келтиради ВВС.