Симоне Индзаги Италия чемпионатидаги ғалабадан кейинги ҳис-туйғулари билан ўртоқлашди.

«Туйғулар ажойиб. Биз ақл бовар қилмайдиган иш қилдик ва кўплаб қаҳрамонлар бор: футболчилар, клуб, ҳозир бу ерда бўлмаган, лекин доимо ёнимизда турган президент.

Ҳар куни кучлироқ бўлиш учун қаттиқ меҳнат қиламиз. Ўйлайманки, биринчи мавсумдан, Чемпионлар Лигасида «Реал» билан учрашганимиздаёқ яхши старт кўриниб турарди ва ҳозиргача биз 6 та совринни қўлга киритдик.

Менинг саёҳатим ҳам ажойиб бўлди. Мураббий сифатида ишлаш имкониятини бергани учун «Лацио»дан доим миннатдорман. Биз учун ҳаммаси яхши кетаётганди ва коронавирус туфайли тўхтатилган чемпионатни эслайман, унда охиригача курашдик. «Лацио» ҳамкорликни давом эттирмоқчи эди, лекин қандайдир ўзгаришлар кераклигини сездим. 

Кўпчилик менга «Интер»га ўтишни маслаҳат бермади, лекин нимадир мени айнан шу ерга келишга ундади. Клуб бошқарувдаги кўплаб одамларни танирдим. Биз циклни давом эттиришимиз мумкинлигини билардик. Қийин дамларда танқидчиларга гапиришга рухсат бердик, бугун эса улар камроқ гапиришади», — деди «Интер» бош мураббийи DAZN эфирида.